УВЕР ЙОГЫН

Шанче паша тений эшеат ончыко кая

 

2021 ий Российыште Науко да технологий идалык семын увертаралтын. Марий Элыште  ты идалыкым почмылан пӧлеклалтше торжественный мероприятий Юл кундем кугыжаныш технологий университетыште эртен. Тудым Марий Элыште XI науко фестивальым почмылан келыштареныт. 

Эпидемий шанче пашаеҥ-влакын пайремыштланат вес сыным пуэн, тудо оффлайн ден онлайн йӧн дене эртен. Туге гынат тушко республикысе исполнительный ден закондательный кучемын орган-влакын еҥышт, вуз ректор, В.М.Васильев лӱмеш Йылмым, сылнумутым да историйым научнын шымлыше институтын пашаеҥже-влак погыненыт. Регион вуйлатышын лӱмжӧ дене фестивальын участникше-влакым республик правительстве председательын икымше алмаштышыже М.Васютин саламлен. А.Евстифеев Россий президентын увертарыме тыгай идалыкыште шанче пашаеҥ-влаклан сай лектышым тыланен,  самырык-влакынат интеллектуальный шанче кычалме пашалан утларак кумылышт лектеш манын ӱшаным ыштен.

Ты идалыкыште шанче паша дене кылдалтше ятыр мепоприятий республикыштат мемнам вуча, палемден М.Васютин. Кугыжаныш Погын депутат, МарНИИЯЛИ директор Е.Кузмин саламлымыж годым шкеныштым шанче паша дене кылдыше еҥ-влаклан тауштен. Тыгак саламлымашке образований да науко министр Наталья Адамова, молодёжный политике, спорт да туризм министр Лидия Батюкова ушненыт.

А МарНИЯЛИ-ште 9-10 февральыште Науко да технологий идалыкым почмылан пӧлеклалтше, республикыште гумманитарный науко-влакын вияҥмыштым иктешлыше научный сессий эртен.  Фотокорреспондентна М.Скобелев фото-влакым лач тушто ыштен.

С.Носова

Снимкылаште: МарНИИЯЛИ-н самырык ученыйжо-влак.

Опубликовать в Одноклассники

Добавить комментарий