Тений кеҥежым Йошкар-Оласе тӧнежлаште да организацийлаште 200 утла тунемше пашам ышта.
Мутлан, Йошкар-Оласе илыме верым виктарыше компаний-влак: «Дубки» ЖЭУК», «»Заречный» ЖЭУК», «Южный» ЖЭУК» акционер обществе-шамыч – 14 да тылеч кугурак ийготан шым ӱдыр-рвезым пашаш налыныт. Кызыт эше куд тунемше пашаш пураш документым пога.
Нине йоча-влак илыме пӧрт воктенсе кудывечым тӱзатат: кӧжӧ шӱкым пога, кӧжӧ теҥгылым чиялта, кӧжӧ клумбым сомыла, кӧжӧ фасадым тӱрлӧ увертарымаш деч эрыкта… Тыгеракын школышто тунемше-шамыч кумдыкым шотыш кондымышт дене пырля иктаҥашыштлан сай примерымат ончыктат.
М.ИВАНОВА.