КАЛЕНДАРЬ

Кушмо верыштым алмашташак тыршыман

«Сурт-пече» газетын 11-ше №-ан газетыште лудын кертыда.

Пагыт паша

Кушмо верыштым алмашташак тыршыман

 Чаманен каласыман, чыла пакчазыжак огыл шке участкыштыже пакчасаскан кушмо вержым кажне ийын алмашта.

Южыжо, пакчасаскам уэш ончычсо верышкыжак ӱдаш лийме жапым (севооборотым) кӱлын эскерыде, ий гыч ийыш, эре гаяк ик йыраҥыштак ончен кушта. Пакчасе йыраҥым алмаштылде, ик культурымак ончен куштымо дене тудым лушкыдемден локтылшо шкешотан тӱрлӧ чер ден шукш-копшаҥгылан эшеат погынаш да шукемын шарлаш амал гына лектеш. Вет шкеж деч вара южо кушкыл вож рокеш могай-гынат ярым (токсиным) кода. Кушкыл кушмо пагытыште мландыш келгын шыҥен шуктышо чер вес ийын тыге тудым эше утларак тӱнчыктараш веле тӱҥалеш.

Адакшым кажне кушкылын, томатын ма, киярын, мланде гыч шканже кӱлешанлан шотлымо кочкышым «налме» посна ойыртемже уло. Мутлан, ик микроэлементым тудо тӱрысак налеш гын, вес тӱкыжым йӧршын тӱкыде кода але эсогыл ӱяҥдыш шапашым ешарен шукемдаш полшенат сеҥа. Мутлан, пареҥге да ковышталан калий ден азотым йӧратат гын,  а ковышта эше фосфорым, томатат тыгак шканже ситыше фосфорым млданде гыч налаш тӧча.

Р.ЧЕПАКОВА ямдылен.

Умбакыже лиеш.

Опубликовать в Одноклассники

Добавить комментарий