АКЦИЙ КОНКУРСЫ

«100 ий – 100 шӱдыр»

Марий кундемнан 100 ияш лӱмгечыжым палемдыме амал дене эше У ий деч ончычак Мер Каҥаш «100 ий – 100 шӱдыр» акцийым увертарен ыле.

Шке сайтыштыже кундемнам чапландарыше 100 лӱмлӧ еҥын спискыжым савыктен.  Акцийын условийже  почеш нунын кокла гыч лу эн чапланышыжым ойырен налаш кӱлын. Шукерте огыл тиде лу «шӱдырын» лӱмжӧ рашемын. Нуным «Марий сандалык» журналыште савыктыме.

Эн шуко йӱкым писатель, сотемдарыше, меръеҥ Сергей Григорьевич Чавайн (1888-1937) поген, 71,4 % респондент тудлан йӱклен.

Кокымшо – поэт, артист Йыван Кырла – Кирилл Иванович Иванов (1909- 1943), 48% респондент йӱклен.

Кумшо – писатель, журналист, меръеҥ Яков Павлович Майоров- Шкетан (1898 -1937), 46,5 % респондент йӱклен.

Нылымше – композитор Иван Степанович Ключников-Палантай (1886- 1926), 40,6 % респондент йӱклен.

Визымше – композитор, меръеҥ Андрей Яковлевич Эшпай (1925 -2015), 35,5 % йӱклен.

Кудымшо – йылмызе, сотемдарыше Валериан Михайлович Васильев (1883-1961), 32,3 % йӱклен.

Шымше  – этнограф Тимофей Евсеевич Евсеев (1887 -1937), 31,3 % йӱклен.

Кандашымше – поэт, критик Валентин Христофорович Колумб (1935-1974), 30,9% йӱклен.

Индешымше –  кугыжаныш, мер, политик пашаеҥ Иван Петрович Петров (1893-1938), 27,2 % йӱкым поген.

 Луымшо  — кусарыше Ипатий Степанович Степанов (Олык Ипай) (1912 -1937)  (24,0% йӱк).

С.Носова

Опубликовать в Одноклассники

Добавить комментарий