УВЕР ЙОГЫН

Лу тонным погеныт!

Йырым-йырысе кумдыкым аралыме тӱнямбал кече да Экологын кечыже – 5 июнь – вашеш Общероссийский калык фронт Россий мучко  «Экозабота» лӱман школ проектым илышыш пурта. Тудын дене келшышын, 1 февральыште тунемше-влакын погымо батарейкыштым Челябинскысе «Мегаполисресурс» компанийын заводышкыжо перерабатыватлаш колтеныт.

Ушештарена, тиде проект ӱмаште июньышто стартым налын да «Экологий» национальный проектын кӱлешан платформышкыжо савырнен. Тиде жапыште Российысе 30 олан кум тӱжем школыштыжо тунемше йоча-влак кучылтмо 425100 (тиде –10,6 тонн) батарейкым погеныт. Ик эн чолга участник-влак Юл кундем федерал округышто илыше ӱдыр-рвезе-шамыч улыт. Проект Уфа, Белебей, Октябрьский (Башкортостан республик), Ижевск, Камбарка (Удмурт республик), Киров, Нижний Новгород, Новочебоксарск (Чуваш республик), Пермь, Саратов да моло олалаште да посёлкылаште илышыш пурталтеш. Ты пашам Юл кундем федерал округышто Россий Федерацийын президентшын полномочный представительже Игорь Комаровын аппаратше кӱлешанлан шотлен.   

Палемдыман, проектыш ушнышо кажне школышто батарейке-шамычым погаш лӱмынак контейнерым вераҥдыме, тыгак кажне тунемме вер переработчик дене ойпидышым ыштен.

«Россий Федерацийыште илышыш пурталтше «Экозабота» проект йоча-влаклан экологий могырым воспитанийым пуымаште моткоч кӱлешан. Ты паша умбакыже вияҥын толеш манын ӱшанем», – каласен Россий экологий обществын  Нижний Новгородысо региональный пӧлкажын председательже С.Васильева.

 Акцийыш пилотный регионла гыч школ-влак тыгай сайтыште ушнен кертыт: www.batteryshare.ru

Г.Кожевникова

Опубликовать в Одноклассники

Добавить комментарий