нацпроект

Йочан еш-влаклан полшымо

Республикыштына 5086 еш икымше йочажлан выплатым налын. Роскотын суммыжо 546,9 млн. теҥгеш шуын.
Тиде выплате «Демографий» национальный проектын «Йоча шочмо годым еш-влаклан окса дене полшымаш» регионысо проектшым илышыш пуртымо кышкарыште ышталтеш.
Ушештарена: икымше йочалан тылзе еда тӱлыман выплатым ешысе кажне еҥлан шотлымаште эртыше ийын II кварталыштыже пашам ыштен кертше еҥлан палемдыме илен лекташ кӱлмӧ эн изи оксан кок кугытшо деч шагал доходан еш налаш праван. Тылзе еда тӱлымо выплатын суммыжо – эртыше ийын II кварталыштыже йочалан илен лекташ кӱлмӧ эн изи окса кугыт.
Рашемденрак каласаш гын, ешысе кажне еҥлан шотлымаште 21470 теҥге доход уке гын, 2018 ий 1 январь деч вара шочшо икымше йочалан 10415 теҥге кугыт выплатым налаш права уло.
Икымше йоча шочмо але тудым эргылыкеш (ӱдырлыкеш) налме годым гражданин тылзе еда тӱлыман выплатлан йодмашым 3 ий жапыште пуэн кертеш. Йодмашым йочан шочмыж деч вара пел ий жапыште пуымо годым выплате икшывын шочмо кечыж гычак ойыралтеш, моло годым – йодмашым пуымо кече гыч.
Выплатлат йодмашым илыме верысе калыклан социальный полыш мере-влакым пуымо рӱдерыште але республикысе кеч-могай МФЦ-ште пуаш лиеш.

М.ИВАНОВА

Опубликовать в Одноклассники

Добавить комментарий