Марий Элыште утларак ямде улмо режимым 14 февраль марте шуйымо.
Тидым 12 январьыште Марий Элыш у коронавирус инфекцийым кондымым да шаркалымым шижтарыме шотышто оперативный штабын эртыше заседанийыштыже регионым вуйлатыше Александр Евстифеев увертарен.
Указын у редакцийже дене келшышын, публичный, спорт, ончыктымо, кандарыме, куандарыме да шуко еҥым иквереш чумырышо моло мероприятийым ончычсо семынак эртараш чарыме. Калык шӱлымӧ корным аралыше маске дене пайдаланышаш да социальный дистанцийым кучышаш. Кафе, бар, клуб, дискотеке-влак 23 гыч 6 шагат марте пашам огыт ыште.
Вуз-влаклан 6 февраль йотке дистанционный технологий полшымо дене туныкташ, студент ден тунемше-шамычын тӱшкагудыштышт комендант шагатым эскераш темлыме.
Тыгодымак 65 ий деч кугурак-влаклан посна улмо режимым обязательный гыч темлымаш шотаным ыштыме.
Ийготыш шудымо-шамыч сатулымо-куандарыме рӱдерлашке ынде ача-авашт але закон дене пеҥгыдемдыме еҥышт деч посна коштын кертыт. Тылеч посна сатулымо рӱдерлаште йоча-влакым куандарыме рӱдер ден пӧлем-шамыч угыч пашам ышташ тӱҥалыт.
Марий Элым вуйлатышын организаций да
аналитике виктемжын уверже негызеш
М.ИВАНОВА ямдылен
