УВЕР ЙОГЫН

Шарнымаш Сортам чӱктыза

Ола

Рӱдола: таче да эрла

Шарнымаш Сортам чӱктыза

21 июньышто 18 шагатлан Йошкар-Оласе Пресвятой Шочынаван успенийже храмыште  Кугу Отечественный сар ийлаште ӱмыр лугыч лийше 27 миллион совет  еҥым шарнен,  молитвам лудаш тӱҥалыт да оласе Шарнымаш Сорталан шнуй шӱлышым пуртат. «Йӱд пире-влак» клубын еҥже-шамыч ола уремла мучко  чӱктымӧ сортам кучен, мотоцикл дене кудал эртат, да тудым Воинский Чап мемориальный ансамбль деке намият. Тушто «Эрла лийын сар… Шарнымаш Сорта» всероссийский социальный акций лиеш.

21 шагатыште мемориальный комплекс кумдыкышто шӱдӧ дене сорта гыч «Шарнымаш корным» ыштат да «ПОМНИМ» шомакым возат. Тиде акцийыш чыланат ушнен кертыда. Вет мемнан элыште шучко сар тӱкыдымӧ ик ешат, пожале, уке. Мер организаций-влакын тӱҥалтышышт почеш  21 гыч 22 июнь йӱдым Шарнымаш  книга гыч Кугу Отечественный сарыште вуйыштым пыштыше герой-влакын лӱмыштым лудаш тӱҥалыт. Мемнан  лишыл еҥна-влакын, ачана, кочана ден кугезе кочанан лӱмышт Роберт Рождественскийын «Вспомним всех поименно…» реквиемже гыч шомак семын йоҥгалтыт. Тышке ушнаш кумылан-влак 44-00-10 телефон дене йыҥгыртен кертыт. Кӧ 21 июньышто 21 шагатлан мемориал деке миен огыда керт гын, тиде жапыште сортам суртыштыда чӱктен, окнашкыда шындыза. Тек кажныжын йӧрыкташ лийдыме Шарнымш Сортаже йӱла.

22 июньышто 4 шагат эрдене «Курымашлык Тул» мемориальный комплекс воктене мемнан элнан историйыштыже эн шӱлыкан кечым шарныме лӱмеш  митинг-реквием тӱҥалеш. Ойганен шарныме кечын Элнан эрыкше ден независимостьшым арален кодышо-влакым 11 шагатат 45 минутышто Воинский чап монумент воктене митингыш погынышо-влак шарналтат.

22 июньышто 12 шагатлан Йошкар-Олаште чыланат ик минутлан шып лийын шогалыт.

Е.Садовин.

Опубликовать в Одноклассники

Добавить комментарий