25 декабрьыште М. Шкетан лӱмеш театырыште регион кокласе У ий пайрем «У ий куан» («Новогодняя радость») эртен. Пайремыш куанен толшо йоча-шамычым Марий тӱвыра рӱдерын пашаеҥышт М.Шкетан артистше-влак пайрем шӱлышым пуртеныт.
«Шушаш У ий дене, – эн чолга марий йоча-влакым Марий Эл правительстве вуйлатышын икымше алмаштышыже Михаил Васютин пайрем дене почын, – Марий вуйлатыше лӱм дене темдам шушаш У ий дене шокшын саламлем! Тиде идалык моткоч ойыртемалтше лийын. Осал чер шарлымылан кӧра шукыштлан мӧҥыштӧ, у семын тунемаш логалын. Туге гынат темдан чолгалыгда нимырнярат иземын огыл. Таче регион кокласе «У ий куан» пайремыш марла кутырышо, марий йылмым тунемше, тӱрлӧ проектлаште участвоватлыше да таҥасымашке эн чолга, чулым, ушан, уста, талантан, ура-чонан йоча-влак чумыргеныт. У ийлан ямдылалтында, сӧрал открыткым, шкешотан чиемым, модышым ыштенда. Йӱштӧ Кугызалан марла серышым возенда. Темдан дене ме моткоч кугешнена. Вет те шочмо йылмынам, илыш йӱланам, историйнам пагален кушкыда, ончыклык илышлан негызым пыштеда. Чыландам темдам, ача-авам¸ туныктышо-влаклан пеҥгыде тазалыкым тыланем. Тек Йӱштӧ Кугыза да Лумӱдыр тылалнда шонымо вучымо пӧлекым кучыктат, тек чоныштыда поро кумыл, юзо шӱлыш юарла, уш-аккыл да волгыдо да сото лиеш! Шушаш У ий дене!»
Саламлымашке тӱвыра печать, да калык паша шотышто министырын алмаштышыже Галина Ширяева, Марий оньыжа Эдуард Александров ушненыт. Пайремым Марий тӱвыра рӱдер ден М.Шкетан артистше-влак сылнештареныт. Чыланат ик таталан пуйто йоча жапыштым шарналтен, куанен модыныт. «У ий куан» пайрем вашеш интернет конкурс-влакым увертарыме ыле. Тыге «У ий открытке» ӱчашымашыш 6 ияш гыч 15 ияш икшыве-влак деч 170 эн сылне паша-влак пурен гын, «У ий модыш» конкурсыш 150 йоча ушнен. «Йӱштӧ кугызалан серышым» 30 тунемше серен, а «У ий чием» ӱчашымашыш 20 еҥ шке сынжым кычалын. «Шочмоэл нерген мурем» конкурсат лийын. Конкурслашке Марий Эл, Пошкырт, Татарстан, Одо да Виче кундемла гыч йоча-влакын пашашт пуреныт да иктешлыме почеш:
«У ий чием» конкурсышто, 6 — 9 — еш ий марте: йоча-влак коклаште, 1-ше вер — Кристина Филипова ден Ярослав Полозков (Волжск оласе19-ше №-ан «Светлячок» йоча-сад) , 2-шо вер — Вениамин Петухов (Куженер кыдалаш школ), 3-шо вер — Полина Толстова (Провой, Кожласоласе «Теремок» йоча-сад).
10 да 12 ияш йоча-влак коклаште: 1 — вер Марианна Соколова ( Килемар районысо Юксар кыдалаш школ), 2-шо вер — София Павлова (Волжский районысо Кугу Порат кыдалаш школ), 3-шо вер — Виктория Шулепова (Шернур районысо Сердеж РДЦ).
13-15 ияш йоча-влак коклаште, 1-ше вер — Маргарита Соловьева (Киров область Кикнур районысо Шаптино тӱвыра пӧрт), 2-шо вер дене Ионна Андреева (Марий Турек кыдалаш школ) .
«У ий дене открытке конкурс» сеҥыше-влак: , 1-ше вер — Юлия Смышляева (Шернур районысо Тамаксола кыдалаш школ), 2-шо вер — Кирилл Ямбаков (Оршанке Кугунур кыдалаш школ) 3-шо верым Анна Алексеева, (Морко поселкысо 6-шо № -ан школ) лектыныт.
10 да 12 ияш йоча-влак коклаште: 1-ше вер – Андрей Родионов (Волжский районысо Кугу Порат кыдалаш школ),
2-шо вер — Екатерина Веренич (Медведово районысо Руэм кыдалаш школ), 3-шо вер дене Радимир Козлов (Оршанке кыдалаш школ) палемдалтыныт.
13-15 ияш йоча-влак коклаште: 1-ше вер — Кирилл Родионов (Волжский районысо Кугу Порат кыдалаш школ), 2-шо — Софья Козлова (Оршанке кыдалаш школ) 3-шо ве — Анна Кандиано (Шернурысо А.Яналов лӱмеш 1-ше № -ан кыдалаш школ).
«У ий модыш» конкурсышто 6 ий гыч 9 и йоча-влак коклаште: 1-ше вер — Лиза ден Матвей Москалёвмыт ( Йошкар‑Оласе 21-ше № -ан школ), 2-шо вер — Станислав ден Никита Николаевмыт (Волжский район Памар кыдалаш школ), 3-шо вер — Альберт Лебедев (Оршанка район Кугунур кыдалаш школ).
10 да 12 ийяш йоча-влак коклаште лектыныт: 1-ше вер — Олеся Старшева (Марий урек район Хлебниково кыдалаш школ), 2-шо вер — Валерия Петухова (Морко район Октябрьскийсе кыдалаш школ), 3-шо вер — Илья Вершинин (Морко район Октябрьский поселко верланыше рӱдер).
13-15 ияш коклаште: 1-ше вер – Иван Полушин (Оршанке кыдалаш школ), 2-шо вер – Ирина Николаева (Килемар районысо Арда кыдалаш школ), 3-шо вер – Полина Сайсанова (Пошкырт кундем Бирск район Чишма кыдалаш школ) гыч лектыныт.
«Йӱштӧ кугызалан серыш» конкурсышто 6 ий гыч 9 ий марте йоча-влак коклаште: 1-ше вер — Игнат Актуганов (Тошто Торъял кыдалаш школ), 2-шо вер — Глеб Садовин (Оршанка районысо Кугунур кыдалаш школ), 3-шо вер Милана Тамбулаева (Пошкырт кундем Благовещенский районысо Кӱшыл Изяк кыдалаш школ) налыныт.
10 да 12 ияш йоча-влак коклаште: 1-ше вер — Вадим Юзыкбаев (Пошкырт кундем Мишкан район Чураево марий гимназий), 2-шо вер — Виолетта Волкова (Шернур районысо Лажъял кыдалаш школ), 3-шо вер Мария Ласточкина (Килемар районысо Арда кыдалаш школ)
13-15 ияш йоча-влак коклаште: 1-ше вер — Елена Сёменова (Калыкле Президент школ), 2-шо вер — Полина Бирюкова (Калыкле Президент школ), 3 -шо вер — Елизавета Чибаева (Волжский районысо Шарача кыдалаш школ).
«Шочмоэл нерген мурем» конкурсышто сеҥыше -влак 6-9 ияш йоча-влак коклаште: 2-шо вер — Ольга Соколова (У Торъял тӱвыра рӱдер) , 3 — шо вер — Озаҥ гыч Алина Ибатиева ден Кристина Романова.
10 да 12 йоча-влак коклаште: 1-шо вер — Шернурысо И.Молотов лӱмеш йоча сымыктыш школын «Вдохновение» ансамбльже, 3-шо вер — Анна Ельмекеева (У Торъял).
13-15 ияш йоча-влак коклаште: коклаште 2-шо вер — Шернурысо И.Молотов лӱмеш йоча сымыктыш школын «Вдохновение» ансамбльже лектын.
Вара чыланат «Чодыраште шочын изи кож» мурым муреныт да «Нӧнчык патыр» спектакльым онченыт. Спектакль деч вара Йӱштӧ Кугыза ден Лумӱдыр кажне икшыве-влаклан тамле пӧлек-влакым пуэныт. Пайремым интернетыште ужаш лиеш.
М.СКОБЕЛЕВ
Авторын фотожо
