«Россия – страна возможностей» платформын проектше-влак самырык ӱдыр-рвезе-влакын ушнымыштым вучат.
Кугурак курс студент-влак шке илышыштым туныктымо паша деке кылдаш шонат гын, «Ончыкылык туныктышо» (https://studtrek.ru/) конкурс лачын толеш. Сеҥыше-влаклан пашаверым муаш да Россий мучко йоча рӱдерлаште стажировкым эрташ полшат.
«Унам вашлийше мастар-влак» (https://welcomecup.ru) конкурсышто шке проектым илышыш шыҥдараш миллионат пеле теҥге грантым сеҥен налаш лиеш.
Кумдан палыме блогер лийнеда, лач кушеч тӱҥалаш огыда пале? Тугеже «ТопБЛОГ-ыш» (https://topblog2020.ru/) йодмашым колтымаш икымше чын ошкыл лиеш.
Бизнесым почаш шонышо-влак «Мыйын икымше бизнесем» (https://myfirstbusiness.ru) конкурсыш ушнен кертыт.
Шке уш-акылым, моштымашым вияҥдаш йӧн шуко. Келшышыжым ойырен налза.
О.МОШКИНА