Марий кугыжаныш университет пеленысе «Воскресение» кычалше студент отряд «Иктат мондалтын огыл» Юл кундем федерал округысо конкурсын «Инноваций» номинацийыштыже икымше верым налын.
15 декабрьыште тиде отрядын вуйлатышыже Петр Бусыгинлан Марий Эл правительстве председательын икымше алмаштышыже Михаил Васютин Россий президентын тауштыман серышыжым кучыктен.
«Воскресение» отрядын чолга ӱжыржӧ-влак Евгения Софина, Мария Курбаш, Анастасия Ладина Россий Федераций Президентын Юл кундем федерал округысо полномочный представительжын Марий Эл Республикысе тӱҥ федерал инспекторжо Павел Волков деч дипломым налыныт.
Тыгай кугу сеҥымаш дене марий кундемысе кычалше студент отрядым меат саламлена да эше кугурак лектышыш шуаш тыланена.
О.МОШКИНА
