СОЦИАЛ ИЛЫШ

Врач-влакым судитлат…

2016 ийыште РФ Следствий комитетын Марий Элысе виктемже ятрогенный преступлений шотышто вич делам тарватен, ты чот гыч кумытшым шымлен-лончылен, кокытшо шотышто решенийым луктын.  

Мӱшкыран ӱдырамашлан палемдаш чарыме «Лидокаин» препаратым укол дене колтымылан, тидлан кӧра пациентын ӱмыржӧ лугыч лиймылан Волжский районысо рӱдӧ эмлымверын врач-акушер-гинекологшылан 50 тӱжем теҥге штрафым пуымо.

Суд Морко районысо Ӱшӱттӱр ял гыч 2 ияш рвезын кодшо ий 8 мартыште эмлымверыш наҥгайыме корнышто колымыж шотыштат делам петырен: врачын эрыкшым 2 ийлан шыгыремден да медицине паша деч 1,5 ийлан кораҥден.

Кызыт суд ӱдырын колымыж шотышто кумшо уголовный делам онча. Йошкар-Оласе азам ыштыме пӧртыштӧ ӱмыр лугыч лийше ӱдырамаш-влак шотыштат шымлыме-лончылымо паша умбакыже кая.

М.ИВАНОВА.

Опубликовать в Одноклассники

Добавить комментарий