Роспотребнадзор увертара
Чылаже 170 пудийым тергыме
Эпидсезон тӱҥалме деч вара республикысе медицине организацийлашке 457 еҥ пудий пурлмылан вуйым шийын толын. Кок пациентлан «пудий боррелиоз» диагнозым шындыме. Икымше случайыште копшаҥге Москва областьыште пурен, кокымшышто – Звенигово районышто. Кодшо арнян пудий 72 еҥым пурлын.
Роспотребнадзор виктемын шымлымыж почеш, тений пудий пурымо 30 процент случай илыме кумдыкыштак лийын, молыжо – чодыраште да сад-пакчаште.
170 еҥ могырыш пурышо пудийым Марий Эл Республикын Гигиене да эпидемиологий рӱдерын вирусологий лабораторийышкыже шымлаш пуэн. 42 пудийыште боррелийым, 10 копшагыште пудий энцефалит вирусын антигенжым мумо. Кызытсе жаплан келшыше диагностикым ыштымылан кӧра 10 еҥ серопрофилактикым эртен.
М.ИВАНОВА.
