КАЛАСЕ, "МАРИЙ ЭЛ"

Онлайн йӧн дене лиеш

Паша верым ситарыме рӱдерыш онлайн йӧн дене регистрирвалалташ да пособийым налаш лиеш маныт. Чын мо?

Н. Меркулов

Йодышлан Медведево районысо прокурорын полышкалышыже С.Захарова вашештен:

— Тений сентябьрьыште РФ Правительствын лекше пунчалже дене келшышын, «Работа в России» общероссийский вакансий базе ресурс пойдаралтын. Ты системыштак паша дене кылдалтше электрон документ-влакым ышташ да аралаш лиеш. Ресурс еҥ-шамычлан паша верым ситарыме рӱдерлаште паша деч посна шинчымылан пособийым налаш манын, онлайн йӧн дене регистрироватлалташ корным почын. Пашам пуышо-шамычат порталыштак электрон документ дене пайдаланен кертыт. А тидыже паша, материальный ответственность шотышто, ученический але паша ыштыме годымак образованийым налме нерген ойпидыш да моло документат лийын кертыт…

С.НОСОВА

Опубликовать в Одноклассники

Добавить комментарий