УВЕР ЙОГЫН

Кызытеш нылытын улыт

Марий Эл Республик вуйлатышын должностьышкыжо шке кандидатурыжым лукмо нерген республикын Рӱдӧ сайлымаш комиссийышкыже тачысе кечылан ныл еҥ документым пуэн.  

Икымше Александр Евстифеев лийын. Тудын деч вара кок кече жапыште, шуматкечын да рушарнян, ЛДПР-ын Марий региональный отделенийжын координаторжо  Альберт Фёдоров, Марий Элыште «Справедливая Россия» партийын региональный отделений советшын председательже Наталия Глущенко да «Гражданская платформа» политический партийын региональный политический комитет секретарьже Андрей Смышляев ушненыт.

Республикысе ЦИК-ын пашаче группыжо нунын документыштын законышто палемдыме радамлан келшен толмыштым терген да документыштым налме нерген справкым пуэн. Тылеч вара кандидат-влаклан избирательный фондыштым формироватлаш посна избирательный счетым почаш разрешенийым, тыгак Марий Эл Республик вуйлатышын должностьышкыжо кандидатлан регистрироватлалташ кӱлшӧ документ-влакын да образецыштым пуэныт.

Л.Камалетдинова.

Опубликовать в Одноклассники

Добавить комментарий