Марий Эл Правительствын 2020 ийыште «Калык чон» премийжым налше еҥ-влак кодшо кечылаште пале лийыныт.
Тӱрлӧ номинацийыште сеҥыше-влакым палемдалтыныт:
«Калык куштымаш» – Ольга Музурова-Поддубная, Курыкмарий районысо Я.Эшпай лӱмеш калык тӱвыра рӱдерыште «Мистерия» образцовый куштышо студийым вуйлатыше;
«Калык мурым мурымаш» – Александр Новосёлов, Килемар районысо Церкысола тӱвыра пӧрт пеленысе «Россияночка» ден «Май» ансамбль-влакым вуйлатыше;
«Йӱлаш пурышо калык тӱвыра» – Надежда Волкова, Советский районысо Кужмарий тӱвыра пӧртым да «Весела кумыл» фольклор ансамбль вуйлатыше;
«Калык семӱзгар музык» – Галина Гусева, Козьмодемьянск ола гыч «Шикӓ-викӓ» образцовый ансамбль вуйлатыше;
«Театр творчестве» – Римма Виногорова, Марий Турек районысо тӱвыра да каныме рӱдер пеленысе «Карнавал» йоча театр студийын пӧлкажым вуйлатышыже;
«Декоративно-прикладной искусствышто калык мастар» – Ирина Чугунова, «Чудеса в решете» калык-прикладной творчестве студийым вуйлатыше (Звенигово район).
Лауреат-влакым саламлена да сай паша лектышым тыланена, ончыкыжымат калыкнан поянлыкшым вияҥдымашке кугу надырым пыштат манын ӱшанена.
А.БАЙКОВА