КАЛАСЕ, "МАРИЙ ЭЛ"

Кудалышташ чареныт

Суд пристав мыланем жаплан автомашина дене кудалышташ чарен. Закон почеш тудо тыге ыштен кертеш мо?

А.Морозов

Советский посёлко.

Йодышлан Медведево районысо прокурорын алмаштышыже А.Пекшеев вашештен:

– Исполнительный производство дене кылдалтше законодательстве почеш, парыман гражданин, индивидуальный предприниматель семын пашам ыштыше парыман еҥ уважительный амал деч посна исполнительный документыште ончыктымо йодмым жапыштыже шке кумылын шуктен огыл гын, суд пристав исполнитель взыскательын йодмыж але шкенжын инициативыж почеш тудын шотышто спецправа дене жаплан пайдаланаш чарен кертеш.

Тидын годым чарыме негызшылан транспорт средствым – автомобильым, юж ден теҥыз судно-влакым, мотоциклым, мопедым, самоходный машинам – шотлат да исполнительный документыште йодмым тӱрыс шуктымешке виктараш чарат, але ты шотышто тыгай чаракым кораҥдыше негыз лекмеш.

Эшежым РФ-н административный правам пудыртымаш кодексше дене келшышын, жаплан спецправа дене пайдаланаш чарыме йодмашым пудыртымыланат мут кучаш шогалтен кертыт.

С.НОСОВА

Опубликовать в Одноклассники

Добавить комментарий