СОЦИАЛ ИЛЫШ

Пашажым ыштат, пашадаржым огыт тӱлӧ

Юл кундемысе транспорт прокуратур Марий Элыште «Козьмодемьянск порт» акционер обществым терген да пашадарым икмыняр тылзе тӱлыдымӧ шотышто нарушенийым муын. Тыште январь-мартлан 241 пашаеҥ ончылно 8,7 миллион теҥге парымыш пуреныт, март-апрельыште 133 пашаеҥлан пашадарын ужашыжым илен лекташ кӱлшӧ эн изи пашадар дечат шагал пуэныт.

Прокуратурын тергымыж, следствий орган-влакын пашадарым тӱлыдымӧ да Маристатыш парымын кугытшым ончыктыдымо шотышто уголовный делам тарватымышт деч вара ситуаций изишак саемын: порт пашаеҥже-влаклан 3,2 миллион теҥге кугыт парымжым шӧрен.

Портын пашажым транспорт прокуратур шке контрольышкыжо налын.

М.ИВАНОВА.

Опубликовать в Одноклассники

Добавить комментарий