ЕШ ДА ИКШЫВЕ

Жапым аныкла, сай йӧным ышта

Марий Элыште ава капиталын 2000 утла сертификатшым автоматически пуымо.
Тений апрель гыч Россий Пенсий фонд ава капиталын сертификатшым йодмаш деч посна оформитлаш тӱҥалын. Тыге, регионыштына 2300 ава тиде документым ведомствыш мийыде налын.
Сертификатым пуымо тыгай радам йочан ешлан ава капиталын средстваж дене писынрак пайдаланаш тӱҥалаш йӧным ышта. Аза шочмо деч вара тудым регистрироватлыме нерген увер загс орган гыч Пенсий фондыш мия. Тылеч вара фонд пунчалым луктеш да сертификатым оформитла.
Ава капиталын средстваж дене пайдаланашлан документын реквизитшым гражданинын кугыжаныш услуго порталысе але ПФР сайтысе личный кабинетыштыже пален налаш лиеш.
Сертификатым проактивный манме формат дене налашлан аван пеҥгыдемдыме учёт записьше лийшаш.
Ава капиталын кугытшо: икымше йочалан – 466617 теҥге, 2020 ийыште ешыште кокымшо йоча шочын гын, тиде суммо эше 150 тӱжем теҥгелан кугемеш да чылаже 616617 теҥгеш шуэш.
Программым илышыш пуртымо деч вара Марий Элыште чылаже 55 тӱжем сертификатым пуымо, 39 тӱжем утла еш тудым ужашын але тичмашнек кучылтын, да чумыр суммо 18 млрд. утла теҥгеш шуын.
Еш капиталын программыжым 2026 ий мучаш марте шуйымо.

М.ИВАНОВА

Опубликовать в Одноклассники

Добавить комментарий