Российысе В.Д.Поленов лӱмеш калык творчестве пӧртын 20 ий почела эртарыме «Русь мастеровая» конкурсшо тений виртуальный форматыште лийын.
Тушко Российысе 53 регион гыч 270 мастар ушнен. Нунын кокла гыч 15 номинацийыште 105 мастар сеҥыше семын палемдалтын. Нунын коклаште Козьмодемьянскысе йоча творчестве пӧртын пашаеҥже Надежда Казаковат лийын. Тудо курыкмарий вургеман курчакым ышта. Санденак мастарлыкым тергыме номинацийже «Текстиль курчак» лийын, икымше степенян лауреатын дипломжым сеҥен налын. Шке пашаж дене палдарыше видеороликыште тудо курчакым ыштыме технологий нерген веле огыл, курыкмарий калык тӱвыра нергенат каласкален.
Снимкыште: Н.Казакова
С.НОСОВА
