Информаций технологий арням торжественно мучашлыме кечын Марий Элысе Информаций да связь департаментын залыштыже республикысе школлаште математикым, физикым да информатикым эн сайын туныктышо 9 еҥым (снимкыште) премий дене палемденыт.
Тений лаурет-влак кундемысе 6 общеобразовательный организаций – «Мегатех», Инфотех», Йошкар-Оласе Т.И.Александрова лӱмеш 11-ше №-ан, Советский посёлкысо Ургаш посёлкысо, Шуко профилян лицейла, Звенигово оласе 3-шо №-ан школ – гыч лийыныт.
Физике, математике, информатике дене эн сайын туныктышо-влакын радамышкышт пуртымо эн тӱҥ критерий – тунемше-влак нине предметла дене Иктешлыше кугыжаныш экзаменыште 70 деч шагал огыл баллым погышаш да варажым республикысе вузыш тунемаш пурышаш улыт.
Ушештарена, кумылаҥдыше тыгай премий дене уста педагог-шамыч «ПС СОФТ» программым ямдылыше-влакын ассоциацийыштын полшымышт дене палемдалтыт. Тений тудын кугытшо – 23 000 теҥге.
Г.КОЖЕВНИКОВА
