РФ Тазалыкым аралыме министерствын тений 8 октябрьыште лукмо «Об утверждении требований к комплектации медицинскими изделиями аптечки для оказания первой помощи пострадавшим в дорожно-транспортных происшествиях (автомобильной)» 1080н №-ан кӱштыкшым Правовой уверын официальный интернет-порталыштыже 9 ноябрьыште 60796-шо номер дене регистрироватлыме.
Документын у редакцийыштыже 2021 ий 1 январь гыч автомобиль атпечкыш медицине маскым ешараш, лейкопластырьын, стерильный бинтын да перевязкым ыштыме пакетын ужашыштым кораҥдаш кӱлмӧ нерген ойлалтеш.
Аптечкын составше гыч изирак бинтым, стерильный бинтым да перевязкым ыштыме стерильный пакетым кораҥдыме. Сусырым стерильный салфетке дене петыраш, стерильный огыл бинт дене пӱтыраш темлыме.
Минздрав 1х250 см кугытан лейкопластырьым 2х500 см кугытан дене алмашташ темлен. Бактерицидный лейкопластырьым аптечкын составше гыч кораҥден. Шӱлымӧ орган-влакым респираторный инфекций деч аралашлан стерильный огыл кок маскым, тыгак эше ик мужыр перчаткым ешарен.
Тымарте налме аптечке дене жапше лекмеш пайдаланаш лиеш, но 2024 ий 31 январь деч вара огыл!
М.ИВАНОВА
