ТЕАТР

«Шӧртньӧ маскым» сеҥен налын

Республикысе курчак театр «Шӧртньӧ маскым» сеҥен налын!

Тидыже моткоч куан увер! Але марте Марий Элын историйыштыже тыгайже лийынат огыл. Элнан эн тӱҥ театр премийже икымше гана республикысе театрын кидышкыже логалын!

Палемдена, Республикысе курчак театр «Йӱд орол» спектакль дене «Шӧртньӧ маске» театр премийым «Сӱретчын эн сай пашаже» номинацийыште сеҥен налын. Ты постановкын художник-постановщикше Сергей Таныгиным да театрын уло коллектившым сулен налме кугу наградышт дене шокшын-шокшын саламлена!

 

А.БАЙКОВА

Фотом театрын архивше гыч налме

Опубликовать в Одноклассники

Добавить комментарий