Гороскоп

9-15 ноябрьлан гороскоп

Шорык

Тиде арнян ончыкыжым уло илышдам вашталтыше ошкылым ыштен кертыда. Тыгодым вашкыман огыл — сайын шоналтен шуктыде, можым-кузежым висыде, нимоланат ида пиж. Тазалыкым эскерыман. Поснак тул дене пайдаланыме годым тӱткӧ лияш темлалтеш.

Презе

Шкендамат, пелашдамат ӧрдыж гыч аклен ончалын кертыда. Тидыже икте-весе кокласе кылдам эшеат пеҥгыдемдаш гына полша. Кеч-могай пашам пырля ышташ келшен толеш. Но шкендан веле огыл, йӧратыме еҥдан шонымашыжымат шотыш налза.

Йыгыр

Тиде арнян пашаште кугу кӱкшытыш шуын кертыда. Мом сайын огыда пале але ты шотышто шинчымашда шагалрак, тугай сомылыш ушнаш огеш темлалт. Молан манаш гын тиде лектышым огеш кондо. Тазалыкым пеҥгыдемдаш тыршыман.

Рак

Те личный илышдам ончыл верыш шындеда. Йӧратыме еҥда уло гын, арня тӱҥалтыште кылдам утларак пеҥгыдемдаш тыршеда. Кызытеш нигӧ денат огыда вашлий гын, чонлан келшыше еҥ дене палыме лийын кертыда. Тиде у кыллан тӱҥалтышым ышта, очыни.

Лев

Тиде арнян шӱдыр-влак мӧҥгӧ, еш, наследстве, кредитым налме да тӱлымӧ дене кылдалтше йодыш-влакым сайын рашемдаш лийме нерген шижтарат. Шкендан шинчымашда шагалрак гай чучеш гын, профессионал-влакын полышыштлан эҥертен кертыда.

Ӱдыр

Улшо йӧратымаш кылыш иктаж-мом уым ешараш темлалтеш. Тидыже шижмашдам эшеат чот ылыжта да икте-весыдам утларак аклаш тарата. Тыгак пелашда дене ончыкылыклан планым ыштен кертыда. Неле йодыш-влакым тиде арнян каҥашаш огеш темлалт.

Виса

Те окса дене кылдалтше кеч-могай йодышым тыланда келшышын рашемден кертыда. Тидын годымак шийвундым аныклен кучылташ темлалтеш. Молан манаш гын ала-могай кугу роскот лиеш, очыни. Ешартыш оксам ыштен налаш йӧн лектын кертеш.

Скорпион

Тиде арнян тыланда кугу тӱткышым ойыраш тӱҥалыт. Тендан койыш-шоктышда, шкем кузе кучымыда дене шуко кылдалтеш. Пӱсӧ уш-акылдам, келге тӱняумылымашдам ончыкташ йӧн лектеш. Лишыл еҥ-влак дене ӱчашымашке шумо деч шекланыза.

Пикшызе

Тиде арнян тыланда кугу чолгалыкым ончыкташ огеш темлалт. Мӧҥгешла, утларак жапым канышлан ойырыман, вийым погаш тыршыман. Чот сырыме, вашке шыдешкыме деч шкем кучыман. Уке гын тидлан кӧра тазалыкдат лунчырген кертеш.

Ирказа

Тиде арнян йолташда-влак дене кылым эн кӱлешанлан шотледа да ончыл верыш шындеда. Нунын деч ятыр уверым пален налын кертыда. Тыгодым окса дене кылдалтше нимогай тӱшка паша вучымо лектышым огеш кондо, сандене тидым шотыш налман.

Вӱд йоктарыше

Те ала-мом ышташ шонен пыштеда да, тушко шуаш манын, чыла гаяк ышташ ямде лийыда. Но шарныза: моло-влакын шонымашыштымат шотыш налман. «Кугу» еҥ-влак дене ӱчашымашке шумо деч шекланыман. Тиде арнян чапда кушкеш, очыни.

Кол

Тиде арня жапыште тӱняумылымашда вашталт кертеш. Сандене йолташда, тендан семын шонышо еҥ-влак дене шукырак мутланаш темлалтеш. Ты жап тунемаш, у шинчымашым налаш келшыше лиеш. Иктаж-кушко миен толын кертыда

Опубликовать в Одноклассники

Добавить комментарий