Пагалыме таҥ-влак!
Марий Эл Республикым ыштымылан 100 ий темме дене алал кумылын саламлымашемым налза.
Марий мланде – поян традициян, ойыртемалтше культуран, уникальный архитектурный памятникан акрет годсо кундем. Республик шкенжын мотор пӱртӱсшӧ «Марий чодра» национальный паркше, «Кугу Какшан» заповедникше, «Горное заделье» ден «Йӱштӧ памаш» заказникше-влак, Тимин скалаже да Карман курыкшо, ерже да пӱнчерже-влак дене чаплана.
Мемнан элнан историйже Марий Элын историйже дене, тушто илыше-влакын ратный подвигышт дене ойыраш лийдымын кылдалтын, нуно Кугу Отечественный сар жапыште фронтлаште да тылыште сеҥымашым таптеныт, пеш чот пеҥгыде улмыштым да героизмым ончыктеныт.
Кызытсе Марий Эл Республик – кугу промышленный да ялозанлык пашам шуктышо кундем, тудо писын вияҥын толеш. Тушто агропромышленный ден чоҥышо комплекслаште кугу инвестиционный проект-влак илышыш шыҥдаралтыт, транспортный инфраструктур уэмдалтеш. Образований ден наукым, тазалыкым аралыме паша ден туризмым вияҥдышашлан, ойыртемалтше историко-культурный наследийым арален кодышашлан шуко ышталтеш.
Шерге таҥ-влак! Марий Эл Республик курымаш юбилейжым тӱрлӧ пашаште сеҥымаш дене вашлиеш. Тышеч кажныштыже – регионышто илыше еҥ-влакын пашашт, вий-куатышт, нуно Шочмо элыштым йӧратат, тудым пеледыктышашлан чылажымат ыштат.
Тыланда ончыкыжат сеҥымашке шуаш, тазалыкым да илышыште чыла сайым тыланем.
Пайрем дене!
М.МИШУСТИН
