ОБРАЗОВАНИЙ

Марий Эл гыч кок туныктышо – эксперт радамыште

Россий Федерацийысе Просвещений министерстве пеленысе Всероссийский эксперт педагогический советын у составышкыже Марий Эл гыч кок туныктышым пуртеныт.

Тиде – Максим Гришин (Йошкар-Оласе Т.И.Александрова лӱмеш 11-ше №-ан лицейыште физикым, информатикым а технологийым туныктышо) ден Надежда Полякова (Волжск оласе 5-ше №-ан кыдалаш школышто руш йылмым да литературым туныктышо).

Советын составышкыже еҥ-влакым калык йӱклымаш йӧн ден ойыреныт. Чылаже 212 000 утла еҥ йӱклен. Элнан чыла регионжо гыч йодмаш 1779 туныктышо деч пурен, тышеч советыш 168-ым ойырымо. Нуно лишыл жапыште пашам ышташ тӱҥалыт. Икымше заседанийын йодышыжо тачысе эпидемиологий сӱрет дене кылдалтын.

Г.КОЖЕВНИКОВА

Опубликовать в Одноклассники

Добавить комментарий