ТАЗАЛЫК

Вакцинын кокымшо партийжым кондымо

15 октябрьыште Марий Элыш «Совигрипп» инактивированный вакцинын кокымшо партийжым кондымо. 46798 дозо вакцине йоча-влакым грипп дечын иммунизироватлаш палемдалтын.
Вакцинын икымше партийжым 9 сентябрьыште кондымо да 39632 йочалан прививкым ыштыме. Тений чылаже 98100 икшывым вакцинироватлаш палемдыме.
Ушештарена: иммунизаций грипп дене черланыме деч эн сай мерылан шотлалтеш. Ятыр ий дене шымлыме паша прививкын черланыме чотым 1,5-3 пачаш иземдымыжым, клинике сӱретым лывыртымыжым, черланыме жапым кӱчыкемдымыжым, моло черлан вияҥаш чаракым ыштымыжым да, мутат уке, колымо чотым иземдымыжым пеҥгыдемден.

М.ИВАНОВА

Опубликовать в Одноклассники

Добавить комментарий