УВЕР ЙОГЫН

31 декабрь – каныш кече

 Россий правительстве 2021 ийысе каныш кече-влакым кусаркален да 31 декабрьым каныш кече семын пеҥгыдемден. 

Россий правительстве председатель Михаил Мишустин 2021 ийысе каныш кече-влакым кусаркалыме нерген пунчалыш кидпалыжым пыштен. У ийысе 2 да 3 январь шуматкече ден рушарнялан толыт. Тиде пашам ыштыдыме пайрем кече-влак улыт, сандене нуным 5 ноябрьыш (кугарня) да 31 декабрьыш (кугарня) кусарыме. 

Тылеч посна пашам ыштыдыме 20 февральысе шуматкечым 22 февраль шочмыш кусарыме. Тидын дене келшышын, кум кече, 21 гыч 23 февраль йотке, каненаа. 

2021 ийыште чылаже шым пайрем пагыт лиеш: 1 гыч 10 январь, 21 гыч 23 февраль, 6 гыч 8 март, 1 гыч 3 май, 8 гыч 10 май, 12 гыч 14 июнь да 4 гыч 7 ноябрь марте. 

 

М.ИВАНОВА

Опубликовать в Одноклассники

Добавить комментарий