ТАЗАЛЫК

Ноябрь кыдал йотке

 

16 октябрьыште Марий Элым вуйлатыше Александр Евстифеев «Республикыштына у коронавирус инфекций (COVID-19) шарлымылан кӧра калыклан сай санитарно-эпидемиологический илышым ыштыме мере-влак нерген» указышкыже черетан вашталтышым пуртен. 

Документын у редакцийже дене келшышын, республикыштына пуртымо утларак ямде улмо режимым 15 ноябрь марте шуйымо. 

Граждан ден пашам пуышо-влаклан ешартыш темлымашым пеҥгыдемдыме. 

Граждан-шамычлан илыме верым кӱлеш деч посна коден каяш огеш темлалт, моло еҥ дене вашкылым лийме семын шагалемдыман, мӧҥгӧ гыч лекме годым шкем аралыме ешартыш мере-влакым шуктыман, поснак – 65 ий деч кугурак, тыгак шӱм-вӱргорно, шӱлымӧ корно дене кылдалтше тӱрлӧ чер да сакыр диабет дене орланыше-влаклан. 

Пашам пуышо-шамычлан паша верыште очно пашам ыштыше пашаеҥ-влакын чотыштым иземдаш, пашаеҥ-шамычым йот эллашке командировко дене колтымым чарнаш, тыгак черетан отпускышто улшо пашаеҥ-влаклан йот эллашке кайыме деч шӧрлаш темлалтеш. 

Публичный кучемын ответственный органже-влаклан калыклан сай санитарно-эпидемиологический илышым ыштыме шотышто шукырак мероприятийым эртараш, тыгак у коронавирус инфекций (COVID-19) дене черланыме деч профилактике шотан правил-шамычым шукташ темлалтеш. 

 

Марий Элым вуйлатышын организаций да

аналитике виктемжын уверже негызеш

М.ИВАНОВА ямдылен

Опубликовать в Одноклассники

Добавить комментарий