Гороскоп

Ӱпым пӱчкаш тарваненда гын

12 октябрь. Таче ӱпым пӱчкаш йӧршынат келшыше кече огыл – тазалык дене нелылык лектын кертеш. Чиялтеда гын, еҥ-шамыч дене чӱчкыдын вурседылаш тӱҥалыда, очыни.

13 октябрь. Тиде кечын ӱпым пӱчкыда гын, депрессий авалтен кертеш. Чоныштыда ласкалык озаланыже манын, ӱпым натуральный гай тӱсыш гына чиялтыман.

14 октябрь. Ӱпым пӱчкыда гын, чон шокшым шижаш тӱҥалыда. Чиялтеда гын, тазалыкда пеҥгыдемеш, оксада ешаралтеш.

15 октябрь. Ӱпым пӱчмӧ деч вара еҥ-шамычлан утларак келшаш тӱҥалмыдам шижыда. Чиялташ огеш темлалт.

16 октябрь. Тиде кечын ӱпым пӱчкашат, чиялташат огеш темлалт – вий-куатда иземеш, окса шотышто нелылык лектын кертеш.

17 октябрь. Таче ӱпым пӱчкаш огеш темлалт. Окса дене кылдалтше неле йодышым кораҥдаш манын, ӱп тӱсым бальзам але пенке дене гына вашталтыман.

18 октябрь. Ӱпым пӱчкыда гын, оксам арам кучылташ тӱҥалыда. Натуральный чия дене чиялтеда гын, пашаште кугурак должностьым темлен кертыт.

Л.КАМАЛЕТДИНОВА

Опубликовать в Одноклассники

Добавить комментарий