ЛӰМГЕЧЕ

Шочмо кече

Марий Элым Вуйлатыше Российын Президентше Владимир Путиным шочмо кечыж дене саламлен.

7 октябрьыште элын Президентше Владимир Путин шочмо кечыжым палемден.
Марий Элым Вуйлатыше Александр Евстифеев Российын лидержылан республикыште илыше еҥ-влак лӱм да шке лӱмжӧ дене саламлымашым колтен, тушто регионлан полшен шогымыжлан кугыжанышым вуйлатышылан таум каласен.
«Чатка да чоткыдо политический системым ыштымылан кӧра Те ӱшанлын вияҥ толшо кугыжаныш ыштен кертында, тудым тӱнямбалне чылан шотыш налде огыт керт. Марий Элыште илыше еҥ-влак Тендан кугу профессионализмдам кӱкшын аклат да мемнан регионлан полшен шогымыланда Тыланда таум ойлат»,- палемдыме саламлымаште.
Александр Евстифеев Российын Президентшылан тазалыкым, у сеҥымашым, пиалым да илышыште чыла сайым тыланен.

Марий Эл Республикым вуйлатышын организаций да

аналитике виктемжын уверже негызеш

П.ШАКИРОВ ямдылен

Опубликовать в Одноклассники

Добавить комментарий