Марий калык погын вашеш

Келшыше шӱлышеш шуарыман

Мут- делегатлан

В.Байбулатов, Башкортостанысе Мишкан агропромышленный колледжын директоржо:

— Эн тургыжландарыше йодышлан мый самырык коклаште марий йылмым арален кодымым шотлем. Мемнан дене кушкын толшо тукым шочмо йылме дене ок кутыро гаяк да эсогыл кумылжат уке. Йылмым арален кодаш манын, самырык-влакым келшыше шӱлышеш шуарыман. Нуным тидлан кумылаҥдыман. Шочмо йылме дене мероприятийым шукырак эртарыман, нунышт йӱлаш пурышаш да самырыкым савырышаш улыт. Мутлан, «Шочмо йылме кечылан» пӧлеклалтше акцийым эртараш. Тушто чылан шочмо йылме дене гына кутырышаш улыт. А тудым сайын палышым рашемдышашлан конкурсым ышташ лиеш ыле. Марий концертым, дискотекым чӱчкыдынрак эртараш, спектакльым ончыкташ. Чыла тыгай мероприятий олалаште веле огыл, муниципалитетлаштат лийшаш. А кугыжаныш шке могырымжо муниципалитет-влаклан тидым илышыш пурташ , кӱлеш условийым ышташ полшышаш. Шагал еҥан калык-влакын йылмышт чынжымак пытен толыт. А вет тиде — элнан поянлыкше, тудын ойыртемалтше тӱсшӧ. 

Ю.ИСАКОВ

Опубликовать в Одноклассники

Добавить комментарий