2-3 октябрьыште Йошкар-Олаште ХI Марий калык погын эрта.
Тушко Российысе тӱшкан илыме 19 кундем, лишыл йот эл гыч 300 делегат толеш. Погын М.Шктен лӱмеш марий калык театрыште почылтеш.
Марий-влакым иктыш чумырышо тыгай кугу форум ныл ийлан ик гана эртаралтеш да калыкнан йылымыжым, тӱвыражым, йулажым арален кодымо йодыш шотышто ончыкылан паша радамым рашемдаш полша. Тушто делегат-влак Мер Каҥаш вуйлатышым — Оньыжам сайлат да Финн-угор калык-влакын конгрессышкышт марий калык деч кайышашлык делегацийыш еҥ-влакым палемдат. Погынышто вич секций пашам ышташ тӱҥалеш: «Марий йӱла», «Калыкын ончыкылыкшо», «Мер паша», «Ял ден ола», «Еш, шинчымаш, шочмо йылме».
Погыныш толшо делегат ден уна-шамычлан оркгомитет поян тӱвыра программым ямдылен. Ӱшанъеҥна-шамычлан иктым гына тыланаш кодеш: ончыкылык илышна тӱзланышаш верч канашаш погынымо паша лектышда тӱвыргӧ лийже!
С.НОСОВА
