«Саскавий» марий ӱдырамаш ушем деч делегат Маргарита ТОЙШЕВА, «Йошкар-Оласе 2-шо №-ан поликлинике» Марий Элын кугыжаныш бюджет тӧнежшын «Семёновка врач амбулаторий» филиалжын врач-педиатрже:
— Мый йоча-влакым эмлем, сандене кушкын толшо тукымын тазалыкше дене кылдалтше йодышым ик эн пӱсылан шотлем. Таза самырык тукым – мемнан виян уш-акылан ончыкылыкна. Тидыже тыгак лийже манын, ме: эмлызе, туныктышо да ача-ава-влак – чот тыршышаш улына. Мо шотышто? Йоча чыла шотыштат ийготшо дене келшышын вияҥшаш. Физкультурлан кумылан лийже манын, шкежат спорт дене пеҥгыде кылым кучышаш улына. Тӱрлӧ осал чер деч аралалташлан чыла прививкым жапыштыже ыштыктышаш улына. Чаманен палемдем, шуко ача-ава вакцинацийын кӱлешлыкшым мучаш марте огеш умыло, сандене шочшышт чӱчкыдын черлана, тунемме процесс деч почеш кодеш… Кочкыш шотыштат тӱткылык кӱлеш. Йочан рационыштыжо витаминлан, белоклан, углеводлан, коялан поян кочкыш ситышын лийшаш. Тӱҥалтыш класслаште тунемше чыла ӱдыр-рвезым школышто яра пукшат гын, кугурак-шамыч шокшо кочкышым пешыже огыт коч. Тиде сӱретым иктаж-кузе вашталташ гын, тазалыкыштлан пеш кугу пайда лиеш ыле. Темше да таза капкылыште – таза чон, пӱсӧ уш-акыл, сай кумыл. Йочам тыгак йӧраташ кӱлеш. Йӧратыме йоча – пиалан йоча, пиалан йоча – таза йоча, ӱшанле ончыкылык. Икманаш, мемнан ончыкылыкна – шкенанак кидыште.
— Мый йоча-влакым эмлем, сандене кушкын толшо тукымын тазалыкше дене кылдалтше йодышым ик эн пӱсылан шотлем. Таза самырык тукым – мемнан виян уш-акылан ончыкылыкна. Тидыже тыгак лийже манын, ме: эмлызе, туныктышо да ача-ава-влак – чот тыршышаш улына. Мо шотышто? Йоча чыла шотыштат ийготшо дене келшышын вияҥшаш. Физкультурлан кумылан лийже манын, шкежат спорт дене пеҥгыде кылым кучышаш улына. Тӱрлӧ осал чер деч аралалташлан чыла прививкым жапыштыже ыштыктышаш улына. Чаманен палемдем, шуко ача-ава вакцинацийын кӱлешлыкшым мучаш марте огеш умыло, сандене шочшышт чӱчкыдын черлана, тунемме процесс деч почеш кодеш… Кочкыш шотыштат тӱткылык кӱлеш. Йочан рационыштыжо витаминлан, белоклан, углеводлан, коялан поян кочкыш ситышын лийшаш. Тӱҥалтыш класслаште тунемше чыла ӱдыр-рвезым школышто яра пукшат гын, кугурак-шамыч шокшо кочкышым пешыже огыт коч. Тиде сӱретым иктаж-кузе вашталташ гын, тазалыкыштлан пеш кугу пайда лиеш ыле. Темше да таза капкылыште – таза чон, пӱсӧ уш-акыл, сай кумыл. Йочам тыгак йӧраташ кӱлеш. Йӧратыме йоча – пиалан йоча, пиалан йоча – таза йоча, ӱшанле ончыкылык. Икманаш, мемнан ончыкылыкна – шкенанак кидыште.
М.ИВАНОВА
