РФ правительствын 2018 ий 1 декабрьыште лукмо «Об утверждении перечня иных выплат за счет средств бюджетов бюджетной системы Российской Федерации для целей применения частей 5 и 5.1 статьи 30.5 Федерального закона «О национальной платежной системе» 1466-шо №-ан пунчалже дене келшышын, 1 октябрь гыч кредит организаций-влак пенсийым, йоча пособий ден моло социальный выплатым «МИР» картыш гына колтат.
Тыгеракын, банкысе счёт «МИР» карт дене кылдалтын огыл, да заявитель 10 кече жапыште банкыш выплатым наличный окса дене налаш огеш мий але улшо счётышкыжо «МИР» картым огеш оформитле гын, банк оксам калыкым социально аралыме органлан пӧртылта.
Икманаш, кугыжаныш деч социальный полышым налше граждан-влак 1 октябрь марте банкыште «МИР» карт дене кылдалтше у счётым почшаш але тымарте улшым «МИР» карт дене кылдышаш улыт.
Тидымат шотыш налман: «МИР» карт дене кылдалтше у банк счётым почмо годым номержым Пенсий фондыш увертарыман. «МИР» картым улшо счёт дене кылдыме гын, тидым ыштыман огыл.
М.ИВАНОВА
