УВЕР ЙОГЫН

Йодмашым пуыде, лӱмын мийыде

2020 ий гыч Россий Пенсий фондын аза шочмо дене кылдалтше кок услугыжым – ава капиталлан сертификат ден у гражданинлан СНИЛС-ым – автоматически, рашемденрак каласаш гын, ача-аван йодмашышт да фондын органышкыже лӱмын мийымышт деч посна пуат.
Фонд ава капиталлан сертификатым йодмаш деч посна апрель гыч оформитлаш тӱҥалын да тымарте тыгай форматан 2000 наре документым пуэн. СНИЛС-ым проактив манме йӧн дене июль гыч ямдыла.
Йоча шочмо нерген увер Пенсий фондыш загс гыч толеш, тылеч вара тудым персонифицироватлыме учётын системыштыже регистрироватлат. Тидын дене пырляк авалан серификатым оформитлаш да налаш права почылтеш. Икшывын индивидуальный лицевой счётшын страховой номерже ден еш капиталлан сертификатым пуымо нерген уверым аван «Кугыжаныш услуго» порталысе личный кабинетышкыже колтат.
СНИЛС ден сертификатым оформитлыме нерген уверым электрон почто але смс гоч кӱчык жапыште налаш манын, авалан личный кабинетыштыже келшыше настройкым ойырен налман. Кок услугыжат ача-аван ЕГПУ-што пеҥгыдемдыме учётный записьышт улмо годым веле пуалтеш. Тудыжым ЕСИА-н Обслуживатлыме рӱдерже-влак кокла гыч иктышыже, мутлан, Россий Пенсий фондын клиент службыштыжо але Шуко функциян рӱдерын офисыштыже лично але интернет-банк ден мобильный приложений-влакын веб-версийышт гоч пеҥгыдемдаш лиеш. Личностьым пеҥгыдемдыше кодым Российын почтыж гочат заказатлаш йӧн уло.

М.ИВАНОВА

Опубликовать в Одноклассники

Добавить комментарий