ТАЗАЛЫК

Черланыше паремше деч шукырак

Марий Элын Тазалыкым аралыме министерствыжын 21 сентябрьыште увертарымыж почеш, пытартыш суткаште республикнан инфекционный стационарлаж гыч паремше 9 пациентым мӧҥгӧ колтымо, тыгодымак 13 черлым эмлалташ пыштыме. Тыге, теҥгече эрдене регионнан шым эмлымверыштыже коронавирусан да COVID-19 дене черланен кертыныт манын шонымо 386 еҥ киен. Врач-влак 381 пациентлан «пневмоний» диагнозым шынденыт, 115 черлылан – «у коронавирус инфекцийым». 110 черле неле состоянийыште лийын, 7 пациент шодым искусственно вентилироватлыме йӧн дене шӱлен, 167 еҥ – кислород полшымо дене.
«Коронавирус: статистика» сайтын 21 сентябрьысе данныйже почеш, Марий Элыште пытартыш суткаште у коронавирус инфекций дене черланыме 21 у случайым регистрироватлыме. Тиде чот пандемий пагытыште 4653 случай марте шуын. Чылаже 47 еҥ колен.

М.ИВАНОВА

Опубликовать в Одноклассники

Добавить комментарий