ТАЗАЛЫК

Черлым вертолёт дене конденыт

15 сентябрьыште Марий Элыште санитарный авиацийын вертолётшо южышко икымше гана нӧлталтын. Тудо Козьмодемьянск межрайонный больницын пациентшым Йошкар-Олашке, Республикысе клинический эмлымверыш, оперативный йӧн дене эмлаш конден.
Марий Эл тыгай шотан авиационный услуго дене «Здравоохранений» национальный проектын «Первичный медико-санитарный полышым пуымо системым вияҥдымаш» регионысо проектше почеш «Руш вертолёт системе» АО дене ыштыме контракт кышкарыште пайдалана.
Вертолёт пациентым Козьмодемьянск гыч Йошкар-Олашке 35-40 минутышто конден. «Вашкеполыш» машиналан але мландымбалне кудалыштше вес транспортлан тиде услугым шукташ кок-кум шагат кӱлеш ыле. Ты случайыште черлым больницышке лийме семын писынрак кондымо деч посна эше транспортировкын лӱдыкшыдымылыкшӧ кӱлешан.
Экстренный случайыште санавиаций – айдеме илышым арален кодымо эн сай йӧн. Вертолётым кӱлешан чыла медицине оборудований дене шыҥдарыме, сандене черлым кондыштарыме годым специалист-шамыч интенсивный терапий ден реанимаций мероприятийым эртарен кертыт.

М.ИВАНОВА
Фотом Марий Элын Тазалыкым аралыме

министерствыжын сайтше гыч налме

Опубликовать в Одноклассники

Добавить комментарий