УВЕР ЙОГЫН

Ончылгоч йӱклаш лиеш

Марий Элыште муниципал образований-влакын представительный органлашкышт депутат-влакым уэш сайлымаш лиеш.

11 да 12 сентябрьыште участковый избирательный комиссий-влак йӱклымашым ончылгоч эртараш тӱҥалыт. Нине кечылаште

— йӱклымӧ пӧлемыште ончылгоч йӱклаш лиеш;

— ончылгоч мӧҥгыштӧ йӱклаш лиеш;

— могай илемыште транспорт дене пайдаланыме шотышто нелылык уло да йӱклаш пӧлем уке, тушто ончылгоч йӱклаш лиеш.

11 да 12 сентябрьыште участковый избирательный комиссий-влак сайлыше-шамычым йӱклышаш пӧлемлаште йӱклаш теве кушто вучат:

* 8 шагат эр гыч 20 шагат кас марте Йошкар-Олаште 14-ше, 16-шо, 17-ше, 83-шо, 84-ше, 93-шо №-ан избирательный комиссийлаште;

* Волжскышто 123-шо, 143-шо №-ан избирательный комиссийлаште;

* 12 шагат гыч 20 шагат марте Марий-Турек районышто 312-шо, 314-ше, 316-шо №-ан избирательный комиссийлаште;

* Медведево районышто 362-шо, 363-шо №-ан-ан избирательный комиссийлаште;

* Морко районышто 382-шо, 383-шо-ан избирательный комиссийлаште;

* У Торъял районышто 421-ше, 422-шо, 423-шо, 424-ше-ан избирательный комиссийлаште.

Кӧ уважительный манме амал дене йӱклымӧ пӧлемыште йӱклен огеш керт, тудо мӧҥгыштӧ йӱклаш йодмашым келшыше участковый избирательный комиссийыш возышаш.

Республикысе 56 тора илемыш участковый избирательный комиссий-влакын еҥышт йӱклымашым эртараш шкешт мият. Тыгай йӱклымашын графикше дене территориальный избирательный комиссий-влакын лаштыклаштышт палыме лияш лиеш.

13 сентябрьыште, йӱклымӧ единый кечын, депутат-влакым уэш сайлымашке 19 участковый избирательный комиссийлаште еҥ-влакым вучаш тӱҥалыт. Тиде кечын УИК-шамыч 8 шагат эр гыч 20 шагат марте пашам ыштат.

Л.КАМАЛЕТДИНОВА

Опубликовать в Одноклассники

Добавить комментарий