Марий Эл «Профессиональный доходлан налог» посна налог режим шотышто экспериментыш ушнен. Тудо 6 сентябрьыште тӱҥалын.
Профессиональный доходлан налог – тиде ешартыш налог огыл, а самозанятый-влаклан у специальный налог режим. Тудын дене 10 ий жап пайдаланаш лиеш. Тушко еҥ-влак шке кумылын куснен кертыт.
Тиде льготан налог режим дене пайдаланышашлан да налогым 4% ставке дене гына тӱлышашлан (физический лица-влак дене пашам ыштыме годым) да 6% дене (юридический да индивидуальный предприниматель-влак дене ыштыме годым) «Мой налог» мобильный приложенийым вераҥдыман да тушто регистрироватлалтман.
Тиде спецрежим моло деч теве мо дене ойыртемалтеш:
· отчет ден деклараций огыт кӱл (парыш мобильный приложенийыште автоматически шотлалтеш);
· чек приложенийыште формироватлалтеш;
· страховой взносым тӱлаш огыл гынат, лиеш;
· индивидуальный предприниматель статус деч поснат пашам легально ышташ лиеш (ИП семын регистрироватлалташ огыл гынат, лиеш – парыш приложений гыч справке дене пеҥгыдемдалтеш);
· 10000 теҥге налог вычет пуалтеш;
· тӱлышаш налогым шотлаш огеш кӱл – приложенийыште налог автоматически шотлалтеш, тудым кажне тылзын 25 числа марте тӱлыман;
· мобильный приложенийыште интернет гоч, инспекцийыш кайыде, тыгак ФНС-ын сайтыштыже але банк гоч регистрироватлалташ лиеш;
· трудовой договор почеш вес пашамат шукташ лиеш (паша стаж огеш кӱрылт.
Учетыш тений шогалше чыла самозанятый-влак тӱлалтшаш 10000 теҥге деке эше ешартыш 12130 теҥге налог бонусым налыт.
Льготан налог режим нерген радамлынрак npd.nalog.ru посна сайтыште пален налын кертыда, палдара Россий ФНС-ын Марий Элысе управленийжын пресс-службыжо.
Л.КАМАЛЕТДИНОВА