УВЕР ЙОГЫН

Тек йоча куан йӱк торашке шергылтеш

Кодшо изарнян Морко район Унчо селаште эр гыч тӱҥалын кас марте йоча-влакын куан йӱкышт, юарлен модмышт торашке шергылтын. Амалжат кугу – йоча площадкым почыныт.

Ты шонымашым  илышыш шыҥдараш «Жильё и комфортная среда» нацпроект полшен. Тудын дене келшышын, федерал, регион ден верысе бюджетла гыч чылаже 135 тӱжем теҥге оксам кучылтмо. Йоча-влаклан модмо верыш тӱрлӧ оборудованийым вераҥдаш «Мастар мари» ООО полшен.

Йоча площадкым торжественно почаште йошкар тасмам пӱчкаш Унчо ял шотан илем администраций вуйлатыше Иван Евсеевлан, Кугыжаныш Погын депутат Евгений Кузьминлан да «Мастар мари» ООО-н генеральный директоржо Борис Апакаевлан ӱшаненыт.

— Тек йоча-влак таза лийыт да яра жапыштым пайдалын эртарат, — палемденыт нуно.

Тиддеч вара икшыве-шамычым верысе школын волонтёржо-влак «Йыдал дене модмаш», «Кӧ писынрак?», «Агытан кредалмаш» модышла  дене модыктеныт. 

Але марте Унчо кундемыш пурышо ик ялыштат тыгай площадке уке ыле, сандене тидлан изирак-влак веле огыл, кугурак-шамычат моткоч куаненыт.

 

А.БАЙКОВА

Авторын фотожо

Опубликовать в Одноклассники

Добавить комментарий