СОЦИАЛ ИЛЫШ

Сӧрат гын, кӱзыктыштак ыле

Пенсий

Сӧрат гын, кӱзыктыштак ыле

Пытартыш жапыште рӱдӧ СМИ пенсийын ончыкылыкшо шотышто тӱрлӧ уверым пуа. Южгунамже тугай кокытеланымашым луктеш – кӧлан да молан ӱшанашат от пале. Мутлан, шукерте огыл Российын Экономике министерствыже, 2035 ий марте палемдыме макропрогноз дене келшышын, шушаш 20 ийыште пенсийым кӱзыктымӧ нерген мутат лектын огеш керт манын увертарыш. А изиш варарак, Санкт-Петербургышто эртыше тӱнямбал экономический форумышто, вице-премьер Ольга Голодец пенсийым 16,4 тӱжем теҥге марте кӱзыкташ лийме да кӱлмӧ нерген ойлыш.

Мут толмашеш, Марий Элыште пенсионерын 2017 ийыште илен лекташ кӱлшӧ эн изи кугытшо  – 7967 теҥге. Кызытсе законодательстве дене келшышын, лачшымак тиде цифр дене пенсионерын доходшым таҥастарат. Чумыр доход илен лекташ кӱлшӧ кугыт деч шагал гын, Пенсий фонд федеральный социальный доплатым ышта, но тудым пашам ыштыдыме пенсионер-влаклан гына ойыра.

2017 ий 1 февраль марте тыгай доплатым, кокла шот дене 1936 теҥгем, 26557 пенсионер налын гын, пенсийым кӱзыктымӧ деч вара  – 23969 еҥ, кызыт тудын кокла кугытшо – 1892 теҥге.

Регионысо кокла пенсий:

— шоҥгылык шотышто страховой пенсий – 12418 теҥге;

— инвалидность шотышто пенсий – 7739 теҥге;

— ешым пукшышым йомдарыме шотышто пенсий – 7833 теҥге;

— социальный пенсий – 8162 теҥге.

М.ИВАНОВА.    

Опубликовать в Одноклассники

Добавить комментарий