ПГТУ-што талантан абитуриент-влаклан полышым пуымо шотышто программе илышыш пурталтеш. Тудын тӱҥ шонымашыже – школым сайын тунем пытарыше-влак умбакыже кӱшыл шинчымашым республикыштак налышт да варажым пашажымат регионыштак ышташ кодышт.
Каласыман, кугемдыме академический стипендийым тений бакалавриат программе да бюджет почеш очно тунемаш пурышо-влаклан налаш йӧным ыштыме.
А икымше курсын студентше-влак коклаште 15 тӱжем теҥге стипендийым налаш тӱҥалыт:
– школышто тунемше-влакын всероссийский олимпиадыштышт сеҥыше да призёр;
– Российын сборный командышкыже пурышо да общеобразовательный предмет дене тӱнямбал олимпиадылаште шинчымашым тергыше.
Г.КОЖЕВНИКОВА