7 сентябрь. Таче ӱпым пӱчкашат, чиялташат келшыше кече огыл – пашада ушнаш огеш тӱҥал.
8 сентябрь. Тиде кечын, мӧҥгешла, у прическымат ышташ, ӱпым у тӱсышкат чиялташ сай кече – кумылда нӧлталтеш.
9 сентябрь. Ӱпым пӱчкыда але чиялтеда гын, оксада ешаралтеш.
10 сентябрь. Ӱпым пӱчкаш огеш темлалт, уке гын чӱчкыдын сыраш тӱҥалыда. Ӱп тӱсым вашталтен кертыда.
11 сентябрь. Ӱпым пӱчкыда гын, иктаж туткар лийын, чер авалтен кертыт. Ӱпым шемалге тӱсыш гына чиялташ келшен толеш.
12 сентябрь. Таче ӱпым пӱчмылан кӧра шинча пӱсылыкда начаремын, тазалыкда лунчырген кертыт. Чиялтеда гын, еҥ-влак дене чӱчкыдын сырымашке шуаш тӱҥалыда.
13 сентябрь. Тиде кечын ӱпым пӱчкыда гын, тӱжвал сында уда велыш веле вашталтеш, тазалыкдат начаремеш. Ӱпым чиялтынеда гын, натуральный гай койшо тӱсыш гына чиялташ темлалтеш.
Л.КАМАЛЕТДИНОВА
