Шорык
Тыланда тиде арнян кугурак тӱткышым лишыл еҥ-влаклан ойырыман. Ешым чумырымо нерген мутланаш келшыше жап. Мужыраҥше улыда гын, вате-марий кокласе кылда тиде пагытыште кумылдам чотак нӧлта. Эмым утыждене шуко ида йӱ.
Презе
Йӧратыме еҥдан але шӱмбелдан моткочак ӱшанле улмыжо пеҥгыдемдалтеш. Тиде арнян сурт-оралтым тӱзатен, пакчам, садым шотыш конден кертыда. Тендан деке уна-влак толыт, очыни. Йӧратыме еҥдан койышыжо кокыте шонаш тарата.
Йыгыр
Тиде арнян ятыр оҥай вашлиймаш ден мутланымаш вуча. Тендам пӱртӱсыш але палыме-влак шкешт деке унала ӱжын кертыт. Туштак у еҥ-влак дене палыме лийыда. Тылеч вара южышт дене кыл умбакыже шуйна, очыни. Вуйлатыше-влаклан чапым волтымо деч шекланыман.
Рак
Тендан оксада ешаралтеш. Тидыже ятыр йодышым куштылгынрак рашемдаш йӧным ышта. Мутлан, илыме вердам шотыш конден але быт техникым налын кертыда. Весе-шамычлан шке нерген ида каласкале – мутдам тендан ваштарешак савырен шындыме лӱдыкшӧ уло.
Лев
Тиде арнян тӱрлӧ шотыштат йӧным куштылгынрак муыда. Иктаж еҥ дене палыме лийнеда гын, тидым арня кыдалне ышташ келшен толеш. Пӱсӧ йодыш-влакым рашемдаш весе-шамычымат полшаш йодын кертыда. Оксам аныкленрак кучылташ тыршыза.
Ӱдыр
Йӧратыме еҥда дене кыл тургыжландарыше лиеш. Те тудын дене шкендам сайын кучеда гынат, ик ойыш шуаш тыршыме годым нелылык лектеш. Туге чучаш тӱҥалеш, пуйто шӱмбелда тендан деч ала-могай уверым шылта. Палыдыме еҥ-влаклан ида ӱшане.
Виса
Тиде арнян тендан семынак шонышо еҥ-влак дене палыме лийыда. Мер пашашке ушнаш кумылда лектеш. Воктеныда улшо еҥ-влак дене кыл сай лиеш. Оксам арам огыда кучылт гын, вашке шукертсек шонымыдам налын кертыда. Тазалыкдам эскерыза.
Скорпион
Пашаштыда сай велыш вашталтыш лиеш. Ала-могай «кугу» еҥын тендам шке «шулдыржо йымаке» налаш кумылжо лектеш. Шинчымашым пойдараш,
тӱняумылымашым келгемдашат жапым муман. Йӧратыме еҥдан тыланда ӱшанле улмыж шотышто коктеланымашда лектеш.
Пикшызе
Тиде арнян тунемаш кумылда лектеш. Тидлан интернетыште тӱрлӧ форумлашкат ушнен кертыда. Иктаж-кушко миен толаш келшыше жап. Карьер тошкалтыш дене кӱзынеда гын, шӱдыр-влак кызытеш тидым ышташ эр манын шижтарат. Вуйлатышын сӧрымыжлан пешыжак ида ӱшане.
Ирказа
Карьерыштыда сай велыш вашталтыш лийын кертеш. Но тиде шке семынже гына куштылгын огеш «тол». Тыланда писын шонен моштымым ончыкташ кӱлеш. Йолташ-влакын полышыштлан эҥертен кертыда. Корнышто да документ дене тӱткӧ лийман.
Вӱд йоктарыше
Тиде арнян тыланда кугу чолгалыкым ончыкташ тыршаш огыл гынат лиеш. «Вӱд йогын почеш» каеда гын, сайрак веле. Мо лиймашке лучо ида шӱшкылт. Ешыштат кӱлешан йодыш-влакым тиде арнян утларакше тек пелашда рашемда. Оксам аныклен кучылтса.
Кол
Тиде арнян йӧратыме еҥда дене икте-весе кокласе кылыште нелылык шижалташ тӱҥалеш. Ушкалымашат палдырнен кертеш. Тазалыкда тургыжландарымашым луктеш гын, тергалташ миен толза. Тыге кеч-могай черымат вашкерак сеҥеда.
Л.КАМАЛЕТДИНОВА
