Юрино районысо Суходол ялыште часамла чоҥалтеш.
Тудо Юрино посёлкысо Архангел Михаилын храмжын приходышкыжо пура. Ял калыкын эреж годымак посёлкысо черкыш кошташ йӧнжо уке. Санденак але марте тудын настоятельже Суходолышто верланыше илалше-влакын пӧртыштышт келыштарыме кумалме пӧлемыш службым эртараш лӱмын коштын. Тоштыеҥым уштымо йӱламат туштак эртареныт. Санденак Марий митрополий тушто посна часамлам ышташ кӱлешлан шотлен. Июль кыдалне чоҥымо паша тӱҥалын. У часамлам кермыч гыч нӧлтат.
С.НОСОВА
