ЯЛ ИЛЫШ

Йӧратыме верыш савырат

Параньга посёлкышто «Ола кумдыкым тачысе илышлан келшышын тузатымаш» программе почеш Сеҥымашын 40 ияш лӱмгечыжлан пӧлеклалтше скверым тӱзатат.

Ты пашам Татарстанысе «Виджин» ООО-н пашаеҥже-влак шуктат. Тидлан 2 миллион 751 тӱжем теҥгем кучылташ палемдыме. Шонымо почеш тушто у спорт площадке, йоча модмо комплекс, куржталтме корно лийшаш улыт. Шке жапыштыже тушто школ стадион лийын, а воктенже вигак Чапаев лӱмеш колхозын пасужо тӱҥалын. Варажым тушто раисполкомын, партий райкомын оралтыже-шамычым нӧлтеныт. Кызыт тушто районысо кучем вераҥын. Кодшо

курымын кандашлымше ийлаштыже сквержым ыштеныт улмаш да кызытсе лӱмжым пуэныт. Лишыл жапыште тудо йӧршеш у сыным налшаш.

С.НОСОВА

Опубликовать в Одноклассники

Добавить комментарий