5 сентябрьыште Татарстан Республикысе Менделеевск олаште «Марий кандыра» регион-влак кокласе кумшо этнофеститвальым эртараш палемдыме.
Такшым тудо ончычрак лийшаш ыле, но тидлан коронавирус эпидемий мешаен. Тений фестивальым эртараш организатор-влак «ТАТНЕФТЬ» ПАО-н грантшым сеҥен налыныт. Районысо марий-влакын тӱвыра да калыкле автономийышт, Калык-влакын келшымаш пӧртышт ончылгоч фестиваль эртыме радамым палемденыт. Тушко профессионал, самодеятельный фольклор коллектив, тӱрло ийготан посна еҥ-шамычат ушнен кертыт. Йодмашым тыгай электрон адресыш колтыман: ddnmendeleevsk@list.ru, mend.rdk@tatar.ru але 8 (85549) 2-40-96, 2-07-32 телефон номер дене рашемдыман.
С.НОСОВА
