Вӱд йымач луктыныт
Килемар районышто, Рутка эҥерыште, 7 июньышто туткар лийын. Тушто пӧръеҥ колен.
Тидын нерген увер республикысе МЧС-ыш пурен. Тунамак Аварийно-утарыме да экологий паша марий службын Козьмодемьянскысе отделенийжын утарышыже-влак пашалан пижыныт да вӱд йымаке кайышын капшым серыш луктыныт, вара полиций пашаен-влаклан пуэныт. Кызыт тудын кӧ улмыжым, туткар кунам да кузе лиймым рашемдат.
Л.Камалетдинова.
