Марий Элын кугыжаныш пого министрже Наталья Севостьянова отставкыш шке кумылын каен.
Ушештарена, тудо Марий Элыш Москва область гыч толын. Тымарте тушто Арбитражный судышто пашам ыштен. А 2017 ий 20 ноябрь гыч Наталья Севостьянова республикын Кугыжаныш пого министерствыжым вуйлатен.
17 август гыч тиде должностьышто пашам жаплан ончычсо министрын алмаштышыже Алексей Плотников шукташ тӱҥалын. Тидын нерген указым Марий Эл вуйлатыше Александр Евстифеев 14 августышто подписатлен.
Л.КАМАЛЕТДИНОВА
